السلام عليكم ورحمة الله وبركاته
((انا لله وانا اليه راجعون))
هذه القصيده مصافحه اولى وهي مرثيه في الشيخ جابر رحمه الله
صدمه قويه كنّهـا يـوم الاهـوال = ساد الحزن قلت الشعر كيف ابدّيـه
ضاقت عليّ الارض والنفس والحال = وأظلم نهـاري واستبانـت مواريـه
والدمع من عيني على الخـد همّـال = والبحر, والاوزان،والقـاف, يرثيـه
الارض, والوديان, وهضاب, وجبال = كل الكواكب, والنجم مـن حواليـه
حتى البحر يبكيه من جـال للجـال = ودار الكويت اليـوم تبكـي مبانيـه
عجِز, وبنات, وبزر, شيبان, وعيال = ملوك,وشيـوخ, وسلاطيـن تبكيـه
مات الامير اللـي مواقيفـه جـلال = لكَـن ذكـره حـيّ محـدٍ بناسيـه
مامات حب الشيـخ راسـخ ولازال = داخل فـؤاد اللـي يحبّـه ويغليـه
ابو اليتيم اللي عليـه الزمـن مـال = وستر العذارى والشرف من مباديـه
وعون الفقير اللي تجرّد من المـال = ورمز الكرم كل الحِكم فـي معانيـه
ربّى على يدينه صناديـد ورجـال = وصان الوطن من كل حاسد طمع فيه
ياما على شعبه عنا سنيـن وليـال = ويمشي على الصعبات دربه يودّيـه
لكن دوام الحال فـي ذمتـي محـال = ولا كل فاقـد شـيّ يقـدر يلاقيـه
يالله عسى له جنـة الخلـد مدهـال = نسألك ياربـي مـن النـار تنجيـه
وتحط لـه بيـن النبيّيـن منـزال = اقبـل دعاتـي يامجيـبٍ لداعـيـه
ونبايعك يابـو فهـد ذرب الافعـال =- فـالحكم باللي يعجب الله ويرضيـه
وسلامتكم
اللهم اسكنه فسيح جناتك
أخوكم : حمود الدوسري