::: مـنتدى قبيلـة الـدواسـر الـرسمي ::: - عرض مشاركة واحدة

**معلومات** **العضو** · 20-01-2006, 01:37 PM

اقتباس:

المشاركة الأصلية كتبت بواسطة النادرة

السلام عليكم ،،،،،،،،،،

تحيه طيبه للجميع,,

متواضعه اتمنى تقبلوها

كريـم ياغـيثٍ سـقاء فرعــة الــواد= كريم ياغيثٍ تزَبر مناشيه
كريـم يـا جـعلـه علـى طـول يـزداد=حيث الشكاله والوفاء كلها فيه
ربعـي هـل الطـالات شـيبـان و أولاد= ريف الضعيف اللي عنا الوقت حاديه
دواسـرٍ يفـخـر بهـم طـيب و أنشـاد=ويفخر بهم شعري وتفخر قوافيه
كسَـابـة الـنامـوس شجـعان وأجـواد= وعز الذي ضايم وخابت هقاويه
لهـم جمـيل الطيـب و الـمدح ينـقـاد= اللي رقو في المجد عالي مبانيه
ولاجـاء نهـارٍ فيه ضيـقات و أنـكـاد=عدوهم بالضيق ترجف محانيه
يسقـون سـمَ الويـل من جـالهم عـاد= لاضيعو علمه وضاعت عزاويه
يسـقي ديـرهم صـادق الوبـل رعـاد= الا انتهى غيثه تزبر تواليه !!

الشاعرة : النادرة

يقول راعي المثل من طول الغيبات جاب الغنايم

وعزالله العزيز إنتس جبيتيها

صح الله لسانتس ملايييييييييييييييييييين ولايكفون

ولاتحرمينا من جديدتس

عاطر الود والتقدير

من محب الجميع : دغش البطي