[معلومات العضو عبدالله الدوسري]

هيه يا من يفقدك جارك و دارك=حاضرٍ بقلوبنا يا ابو مبارك
وصّلوا مني رساله للكويت=شب يا قلبي من الأضلاع نارك
لعنبوا ساس القوافي و القصيد=كان ما شاركت في مأساة جارك
يا حبيب الشعب يا عز الخليج=يا نظيف القلب و البسمه شعارك
لو تغيب سنين تذكرك السنين=كل نجم لاح ما يلحق مدارك
في قلوب اهل الجزيره و الخليج=كل دار صابها ما صاب دارك
لاعنا ما لاع ابو متعب و اخوه= ابو فيصل ماخذ ثاره و ثارك
نشتكي لله علام الغيوب=كيف لا جاء العيد نفرح او نبارك
كيف فبراير يجي ألفين و سته=كيف لامن طال وقته بإنتظارك
كيف لامن هلت دموع اليتامى=كيف لامن ما لقينا من نشارك
ما نوفي قيمتك يا ابن الشيوخ=يا عسى الفردوس يا جابر قرارك
و الله ان تبقى الكويت(كويت حرّه) =لو تقوم ام المعارك والمعارك