اقتباس:
|
المشاركة الأصلية كتبت بواسطة فهد الغريري
يامرحبا باللي لفونا مسايير=ترحيبه(ن) تجلى عمس من سمعها
بكل القبايل مرحبا بالمشاهير= اهل الوفا اللي كل طيب(ن)رفعها
يامرحبا عد المزون المزابير= وعداد برق(ن) فالسحايب لمعها
اليوم عيد وكلبوها تباشير= وطير لسعد بنغام صوته صنعها
بضيوفنا اللي كلبوهم مناعير= واللي تخرج بالشهاده طبعها
حفل الدواسر سطر اليوم تسطير=واظهر رجالن للشدايد وضعها
دواسر(ن) يوم احتكام المقادير=يرجح بهم حق(ن) على من طمعها
ربعي هل الطالات يوم المناذير=كم واحد(ن) منهم حياته جرعها
يردون حوض الموت مثل الطوابير=وغيث(ن) لمن يشكي بروحه وجعها
اهل الكرم والجود يوم المخاسير= ويفداهم اللي بالدراهم جمعها
ترعا بهم فالضد سود المعاشير= ووضح(ن) رعت غصب(ن) على من منعها
وكل القبايل وافيه دون تقصير= يردون في يوم(ن)كثير(ن) فزعها
وختامها يامرحبا بالمسايير=عد العشوب وعد غيث(ن) نفعها
وصلاه ربي عد نبت النواوير= على نبي(ن) للشريعه شرعها
الشاعر الكبير مطلق الحصان آل عمار
ارررررحب تراحيبةٍ من باب نجران الي باب الشام
عز الله تو مازان القصيده ولا يهوان الاخوان
صح الله السانك وعتلا شانك وزادك الله من زوايد فضله
عز الله انك كفية وافية يانسل الاحرار على هذي الشامخه
تعجز الكلمات ان تصف هذي الابيات التي تغمر الفؤاد بالفرحه والسرور
الشاعر العزيز الغالي "مطلق ال عمار" حبة خشم على هذي الرائعه ياكحيلان
وتقبل تقديري واحترامي في شخصك الكريم
اخوك / فهد الغريري,,, |
فهد الغريري
ارحب من الصين المسمى الى الصين،،، يعني تلف الارض وتجيك مناك
لك يافهد باسمى جـــزيل العــــــــناوين،،، مضمـونها حب وغــلا ماتعداك
ارحب يافهد تراحيب الغيث
بوجودك يزين كلش
وكم زادت الفرحه بوجودي معكم في هذى الصرح وبوجودك في هذه الصفحه
ولاهنت على ماكتبت
ابقاك الله ذخرنا لنا
ولاهنت على مرورك الموقر
الذي اضفى على هذه الفصحه رونق خلاب
وتقبل فائق شكري وتقديري واحترامي