اجاري الوقت واثر الوقت متحدي=واحاول اني انا اجاريه باسلوبه
غصب اطوع ظروف كلها ضدى=مع ان غيري عجز عن صدها نوبه
واقول للحزن ماانت بكفو وقدي=ارحل وخل الفرح يقبل مع دروبه
وان طال وقتي مع الأوجاع ما ودي=لكن ابااصبر ولو بالغيب مكتوبه
وان جت توالى علي ما بيحت سدي=ولو ذقت علقم فطعم العز مشروبه
وادوس جرح مع الأيام لي هدي=اموت وجرح خسى مانال مطلوبه
هو طامع دمع عيني يلمع بخدي=واليأس يملأ فياض الصدر ودعوبه
او هامتي تنحني للكرب لأشتدي=وأقول له يازمن توبه ورا توبه
ما يدري ان الجمل يشتال لأحتدي=وان ثقل حمله ابد مالانت عصوبه
والله لو زاد ومعه الحظ متردي=واليأس يكسي حياتي ضافي ثوبه
لأمشي وانا رافع رأسي ومتحدي=بنفس حر تعيش العمر مهيوبه
فالعز ورث لأبويه وأرثه جدي=وانا ورثته ونار الطيب مشبوبه