دور البطوله نجح وأنتي تعرفين = وجنيتي أرباح من عرض" عرضتيه
حبك خدعني وهذا من عمى العين = وألا الوفاء أتحدى انك عرفتيه
أعطيتك أعذب مشاعر ظمت اثنين = وجازيتي القلب بالقسوه وهنتيه
حطيت يفداك حالي وكل الأدنين = وكشفت مكنون قلبي لك وخنتيه
أستاهل أكثر نصيبي دايم شين = مغبون لكن ترى حبي خسرتيه
عساك في دنيتك يارب تهنين = سعادتك في فراق قد نويتيه
معاد بعد القهر والجرح بعدين= بيدك عمار الهوى وأنتي هدمتيه
نهاية القول روحي لاترجيّن = ناداك قلبي كثير وما سمعتيه!!