اقتباس:
|
المشاركة الأصلية كتبت بواسطة الشاعر:عاشق سراب
يالله ياجالي عن النفس الهموم= يامن جلالك في سمو وارتفاع
يارب غفرانك وعفوك يارحوم= يارب تهدينا على الأمر المطاع
حنّا البشر مأحدن عن الذنب معصوم= فينا التزلف والتقلب والخداع!!
يغّرنا الشيطان نلعب في الهجوم= واحنا نقاط الضعف تكمن في الدفاع!
لوما الستر يستر على بعض العلوم= بانت على ثوب الزلل كثر الرقاع
نحسب حياة الهو والمتعه تدوم= ونعد طول العمر والدنيا متاع
من ظلمنا مانكسي العاري هدوم= ولانحس بلوعة بطون جياع
يغشى ملامحنا التكدر والوجوم= أذا الفقارى مرة"باتوا شباع
نقتل..نشرد..ننتهك..نشري نسوم= ونعرّض أعراض الخلايق للضياع
ننهب..نرابي..نرتشي..نعتب..نلوم= نشعل فتيل العنصريه والصراع
نقطع صلات الرحم وانشب الخصوم= نكذب..نثير أقوى المشاكل والنزاع
نعتاد خلع جلودنا في كل يوم= حسب المصالح نحترف لبس القناع
نفتن..ننافق..نمتهن حب الخشوم= نقضي حوايجنا على هذي الطباع
والى أصبحت زلاتنا كبر الرجوم= لي رحمتك يارب وابوابك وساع
أكبر شرف يجنيه هالعبد الظلوم= تمريغ وجهه في ثرى اطهر بقاع
|
عاشق سراب
حاولت ان انفرد باحد الابيات الا انك بشاعريتك وصياغتك للقصيده وروعه ماكتبت
اجبرتني على اقتباس القصيده كامله
اشكرك على القصيده التربويه اللتي احتوت اشياء كثيره
صح لسانك وعلا شانك
ولاهنت وبيض الله وجهك
كما انني اتشرف ان اكون من الاوائل في هذه الصفحه
لك بالغ شكري وتقديري
اخوك/
وســـــــــام