الهاتف اللي فتح خطـه بصفريـن=غدى لقلبـي ياجماعـة اعشاقـه
أفز به وان دق بـالاذن مصغيـن=اسمع ال صوتٍ صار سمعه اشفاقه
ابو هلا مسعود ون قيل هـو ميـن=ابو سعد عـز الخـوي والرفاقـه
على نبى ذكـره تزيـن التلاحيـن=وشرد المقافي عـاودن بانصفاقـه
يردن على جم الرهـى للمحيميـن=والهاجس اللي سلك الاعجاب ساقه
غرّب مع اللي في هواهم مجانيـن=يسوقهـم زود الطـرب والحماقـه
في دولة المغرب مضى عنه شهرين=عسى بعد يذكـر قديـم الصداقـه
ونا ماغير اقـول بكـره وبعديـن=مالي على بعـد العزيزيـن طاقـه
عندي لهم باقصى الضماير موازين=والاّ فلـى ابـو رفقتـي والعلاقـه
وسـلام ياعـزّام وخـذ العناويـن=وانا انتظر من زاهر الـورد باقـه
السلام عليكم ورحمة الله وبركاته
ومساك الله بالخير والسرور والعافيه وكل عام وأنت بخير وعافيه
من طول الغيبات جاب الغنايم وعزالله إنك جبتها
العملاق والهرم الشعري الكبير : أبو حــــــــــاجوووونه
الحقيقه لو بغيت أكتب عنك فسوف تمتلىء الصفحات وتغلق ولم ينتهي مدحي لك
الحقيقه أنت شاعر غير ذو طراز نادر ولكن فيك عيب واحد نعم فيك عيب
وهو قل النشر في المنتدى وإن حاولت أن تتعتذر فتأكد بأنك لست معذور
أبو سعد شعرك يطرب المسامع ويرفع الراس ومليء بالجزاله الشعريه التي
يفتقدها أغلب الشعراء إلأ مارحم ربي
عزيزي والله إني أحبك وأحب شعرك الراقي وإسلوبك الرائع في كتابة القصيدة
فطلبي عندك بأن لاتبخل علينا بمثل هذه الروائع وأنا متأكد بأنك تختزن عندك كمية هائلة
من الروائع الشعريه التي سوف تبقى في ذاكرة من قراها
أبو سعد صح الله لسانك مليار × مليار ولاتكفي ياأبن الأحرار
ومسعود يستاهل هذه القصيدة وأكثر والله يرده من بلاد المغرب بالسلامة
عاطر التحايا القلبية لمقامك العالي
ومعك وداعة سلملي على جميع الأخوان سلامٍ واجد
وإسمحلي على الأطالة
محبك الدائم : دغش البطي