مساكم الله بالخير جميعاً
هذه يمكنها ثاني مشاركه لي في قسم الشعر
ولكن نعترف بالتقصير والقصيده موجهه الى الاخ العزيز
والشاعر الكبير مسعود بن سعد المقابله المتواجد حالياً في دولة
المغرب في رحلة قنص الله يرده بالسلامه ,,,,,,,,,
الهاتف اللي فتح خطه بصفرين = غدى لقلبي ياجماعة اعشاقه
أفز به وان دق بالاذن مصغين = اسمع ال صوتٍ صار سمعه اشفاقه
ابو هلا مسعود ون قيل هو مين = ابو سعد عز الخوي والرفاقه
على نبى ذكره تزين التلاحين = وشرد المقافي عاودن بانصفاقه
يردن على جم الرهى للمحيمين = والهاجس اللي سلك الاعجاب ساقه
غرّب مع اللي في هواهم مجانين = يسوقهم زود الطرب والحماقه
في دولة المغرب مضى عنه شهرين = عسى بعد يذكر قديم الصداقه
ونا ماغير اقول بكره وبعدين = مالي على بعد العزيزين طاقه
عندي لهم باقصى الضماير موازين = والاّ فلى ابو رفقتي والعلاقه
وسلام ياعزّام وخذ العناوين =وانا انتظر من زاهر الورد باقه
وسلامتكم اخوكم ابو حاجوووونه