[معلومات العضو يوسف الحقباني]

يقول السبيعي بعد هدم بئر السعيدية بالقوة الجبرية من حكومتنا الرشيدة والواقع في الهضب بمحافظة وادي الدواسر .
يا اللي تمد بالسعاطير و الجيد.
البير بسلاح الملوك مهدومه.
مايلحق السبعان منها مناقيد .
بير الحكومة وهدمتها الحكومه .

فرد عليه .. يوسف بن حسن بن شجاع الحقباني التغلبي الدوسري ..
بسم الله الرحمن نبدا بترديد
بسم الله الرحمن يا اهل الحكومه
واعوذبالله من حكي مابه مفيد
لكن بعون الله عرفنا وسومه
متعزوي ن بسبيع واحد مقيريد
نسي الجمايل في سنين معلومه
والسالفه ما هي على هدمة الحيد
السالفة تاريخ وحنا رسومه
يفهم بها الجاهل بليا تراديد
و ياسبيع غطوا ورعكم في هدومه
راي ال زايد تم و الراي ترشيد
يكفيك راي الدوسري و الحكومه
قلنا نهدم البير قالوا بتوكيد.
راي ن سديد مسددات ن عزومه
ولاد المنيعي ما تقود المناقيد
و الهضب في حماهم و تذكر سلومه.
واللي يعيد التجربه يا المقاريد
بيقال شفتوا فلان جتنا هدومه
مذبوح من ناس ن على الهضب تحديد
لاد المنيعي و القبيله تشومه
الحر يشعق عاليات ن جلاميد
والا انت حللتك فصيلتك بومه .
هذا كلام التغلبي موجز يفيد
ان الدواسر هم خوال الحكومه .
.....
خاص. 8 / 2 / 1435
.....