[معلومات العضو جزل الفرايد]

لِيلةْ الجِمْعَه

***

ياليلة الجمعة : أنا فاقد انسان
من يوم صدّ بغبيته
دوم اعاني

*

احلم يجي ونصير جمعة وخلاّن
ويبرق علي غيثٍ بوصله
سقاني


*

لا يظمي اعروقٍ ، تقهواه تحنان
ليته هنا بين النظر
والمحاني

*

عيني ترّف لشوفته مثل الأغصان
ويطيح دمعٍ في غيابه
عصاني

*

ويمرّ من بين المعاليق : حيران
كبر الوله وآيممه لي
أماني

*

يا حنتي ، حنة مخاليج شفقان
ليله قضى مابين شعر
وأغاني

*
وش لي من الجَنّه وشهو من الجان ؟
ماقد قويت افراقه اللي
قواني

*

ادعي عليه احيان واستغفر احيان
اخاف لا يدهاه شيٍ
دهاني *

*

إما يجي بإحسان و يروح بإحسان
ولا يجي غيره من الناس
ثاني

\

*
ادعي عليه احيان و استغفراحيان
اخاف لا يدهاه شيٍ
دهاني
*
هذا البيت للشاعر : خالد المريخي

اضغط هنا

*

شعر :

سامي بن محمد الأحمد السديري
2012