يالله يالي منك ايشعشع النور
يا واحد ترجيه كل العبادي
بدعت لي قاف وانا فيه معذور
قاف بيوته كلبوها جدادي
سبايب هموم على مشة الزور
ما اكنها لو كان تفرح الاعادي
ماجور ياقلبي من الضيم ماجور
اصبر وصبرك بالله الواحد الهادي
حبيت لي واحد اناني ومغرور
حبه لنفسه فوق كل المبادي
لا سامع نصح ولا طايع شور
يمشي على رايه ولو كان غادي
يا بنت ماني بعشرتك مجبور
باكفخ كما طيرا تعلى وصادي
محظور قلبي عن محبتك محظور
وش لي بواحد ما يقدر ودادي