الشاعر / عبدالله مبارك الدوسري ( ابو خالد )
اصحيبن على شان الطمع يغدر صحيبه = عسا الله يقلع صحبته ويش يبغابه
ايلا صرت فيه اطيب ويزلك بطيبه = انا قول مالك كود تركه وجنابه
وموتك بجون خالين عاوين ذيبه = تراها لك اشرف من ضعيف تلجابه
ايلا صار طيبك فيه ماهوب يدريبه = وش انته تبيبه روح لاعاد تشقابه
اقول اخسره درب يجيبه يوديبه = لعله مراح مقيط ورشاه لاقفابه
تجنب طريقه روح ويش انت تبغيبه = ضعيف المروه يافتى ويش تبغا به
ايلا من بدا لازمه شرهته تلفيبه = ويلا من عطيته لازمه قفت ركابه
وعليك برفيقن لابدا لازمك طيبه = يبين ويويقف ماقف العز ويجابه