مبروك انتي حامل
جمله تسمعها الاناث و يفرحون فيها الرجال
من الشهر 1 الى 5
اهتمام في الجنين و انتباه لحالته و ارتقاب للأمل
من شهر 5 الى 9
تتعب الام و تعاني و الأبو يتعب شعوره
وده يخفف عناها بس ما بإيدينه شي
غير دعواته لها ،،
حانت الصرخات !!
تختنق في اعذب شفاه أي نعم
هذه (الام) تصرخ من ثغر طهر الحياة
شارفت على الوفاة
لكن مجرد ما شافت عيونك
ابتسمت و نست آلآمها و ضحكت !
ضمتك على صدرها و قالت هذا سروري في الحياة
جيت انت ...
بعد ما فيها سكنت
جيت و انت دمعتك تسبق فرحها
أمتلت فيك الحياة و شافوا كل الدنيا فيك
ما كأن فيه عيال و لا بنات !!
و كأن ربي ( مصطفيك )
اتعبوا لأجلك كثير و اسهروا لأجلك كثير
ما يبون الا سعادتك و تكون بخير !!
هذا انت ...
دارت الدنيا و كبرت و صار لك معنى وقيمه
ما اقول انك (عظيم)
ما اقول انك (كبرت)
وعلى نفسك (اعتمدت)
بعد ما عطوك من تعبهم راحتك !!
ومن سهرهم نومتك !!
و من بكاهم ضحكتك !!
جيت تشكي جيت تشكي ؟؟
ظلموني اظلموني و الي ابغى ما عطوني !!
يا إلهي !!
نسيت الماضي بدقيقه ؟
و بحثت عن راحتك و تناسيت الحقيقه !!
يا عزيزي ...
ارسم فقدانهم و كيف حالك بدونهم ؟
من بيدري عنك اصلاً ؟
لو بكيت فراقهم ..
ما احد بيرحم شعورك او بيتحمل همومك
في حياتك الا هم !
احمد ربك عليهم قدرهم ارحمهم ارأف لو لحظه فيهم
تكفي قسوة هالحياه لا تكون قاسي عليهم!!
و ان بغوا بسمه ابتسم ياما في الظلمة بكوا !!
بس ما جوك و اشتكو مثل ما انت تشتكيهم
لحظـــــــه !!
قبل هذا و ذيك ..
كيف حال ( برك بوالديك ) ؟
اللهم يا ذا الجلال و الاكرام يا حي يا قيوم ندعوك باسمك الاعظم الذي اذا دعيت به اجبت
ان تبسط على والديناء من بركاتك و رحمتك اللهم البسهما العافيه حتى يهنئون و اختم لهم بالمغفره
و اعناء على البر بهم و اجعلهم من اهل جنتك
حيهم و ميتهم
آآآآمين
رااق لي طرحها لكم ...