[معلومات العضو الشكري]

المشاركة الأصلية كتبت بواسطة برق الجنوب

السلام عليكم ورحمة الله وبركاته :

أما قبل :

فأعتذر لكم جميعاً عن تقصيري الواضح في حقكم وحق المنتدى ,

ولو أنكم السبب في ذلك , فكرمكم في العفو والصفح جعلني أتمادى في

الخطأ والغياب........

وأما بعد :

وجه إلي الأخ العزيز والشاعر الكبير (عامر النتيفات) قصيدة

تجدونها على الرابط أدناه :

http://www.aldawasser.com/vb/showthread.php?t=6695

وهذا جوابي المتواضع :

أحب القصيد الجزل لو قالته الأحباش=هجل كيف لاقاله ولد عم وسنافي
هلا مرحباً ترحيبةً عطرها جيّاش=بك اليوم يا(عامر) فداك الفتى الهافي
هلا بالقصيد اللي نبع من صميم الجاش=يطيّر عماس اللي عقب سهرته غافي
عن الحال تنشد واستلم علمنا بالكاش=ترى حالنا إيسرّك عسى عمرك أضعافي
أنا من فضل ربي تجاوزتنا الأحراش=بعد ماوطت رجلي على درب الأحتافي
رزقنا كريمً طال رزقه عمي الأحناش=وهي في ظلام الغار عبر الدجا الخافي
تقلّب بنا الدنيا من الطاش لين الطاش=ونركب على موج البحر دون مجدافي
رعا الله زمانً فات يامكرم الهتّاش=قضيناه وإياكم على عز وإنصافي
وإذا حانت الفرصة وللشعر راسي شاش=فلانيب ذاخر دونكم ياالشلي قافي
أنا ما أعتبر للشعر قيمة ولايسواش=إذا مايحوز إعجاب عقّال وأشرافي
طراة العمر دينً وقلبً بلون الشاش=وخوة رجالً في المواجيب عرّافي
وأشوف أغلب الشعار همّه صور وفلاش=يبي يبرزونه في (فواصل) مع (أصدافي)
ولوكان شعره شوكةٍ مالها منقاش=يجيب المرض وكبودنا منه تنلافي
يدور بفلك واحد بمرواحً ومغباش :=..غزل فاقد العفة ومدح وتزلافي
يبادون أهل الإسلام بالقصف والرشاش=ولاهمّه ألا شوف منبوز الأردافي
ولايطرق الحكمة ولاينصح الغشّاش=ولاله معا زين التقاليد محرافي
لكن ذا يهون بجانب الجادل أم أرماش=لقب شاعرة يعطونها إياه زيّافي
تمثّل على العالم بطولة (مسلسل طاش)=وكل الهدف تسويق الأعداد بإغلافي
شعر عصرنا الحالي مريضً ويبغى إنعاش=عسى الله يشافي علّته والله الشافي
أقوله وهي وجهة نظر تقبل النقاش= ولا أبخس حقوق الشاعر المبدع الوافي
بلاشك يوجد من حمى الشعر من الأوباش=وفي منتدانا للجنيهات صرّافي
عسى الله يعافيهم إكعام العدو لاهاش=ويقلع رديين الفعايل والأوصافي

.

مرحبا الف والف عددها

طراة العمر دينً وقلبً بلون الشاش=وخوة رجالً في المواجيب عرّافي
وأشوف أغلب الشعار همّه صور وفلاش=يبي يبرزونه في (فواصل) مع (أصدافي)
ولوكان شعره شوكةٍ مالها منقاش=يجيب المرض وكبودنا منه تنلافي
يدور بفلك واحد بمرواحً ومغباش :=..غزل فاقد العفة ومدح وتزلافي
يبادون أهل الإسلام بالقصف والرشاش=ولاهمّه ألا شوف منبوز الأردافي
ولايطرق الحكمة ولاينصح الغشّاش=ولاله معا زين التقاليد محرافي

اخي العزيز و شاعرنا الكبير / برق الجنوب

صح الله لسانك ورفع الله مقامك

لا جديد الا بداع كما عهدناك

جزل يا بو فهد وارويتنا من بحر شعرك

وعذب قوافيك


والله يعطيه العافيه الشاعر / عامر النتيفات


وصح الله لسانه واعتلا شانه

بارك الله فيكم على القصيد الجزل


اخوكم / ابو عبد الله الشكري