[معلومات العضو محبكم الدوسري]

ياللي سحرت القلـب عن كل غرنـوق وحطْيــت في قاصـي فوادي علامــه ماتـــدري انـه مايســاويك مخلــــوق ولجلك سريــــت بمِعْتِمَــاتْ الجَهَامَه حبٍ بنيتــه في ضميري على الشوق ما اجفــاه لو زادوا علــي الملامــــه يسوقنـــي حبــك والا صرت مسيوق فاللـــي بقـى في العمــر حبك وِسَامِه حالــي تهــاوى مثل جدران ابوطوق والا كمـــا عِذْقٍ تقـــارب صَرَامِــــه النفــــس ياعمــري بها عشـرة فْتُوقْ يـــاويل حالي ماعرفـــت الســلامـه امســي على زولـك وجَرّحْنِيْ الموق واصبـــح على همٍ غــدى بي علامه ياموجـــعٍ القلــب تَنْخَنــّكْ عــــْرُوق نَشْفَــــتْ وقلبــي ما توصّــلْ مَرَامِه سحرتنـــي بعيــونْ ويحــدّهَا فـــوق جفـــنٍ تعالى فــوقْ عالـي الغَمَامَــه ورمشٍ على عينك حبيبي له طرُوق افطــرْعليه القــافْ واقــفى صيامـه ياصاحبي مانيب في الحب مطفوق الا بشــــوقٍ لك غرامـــك هيــامـه يالله عسى ما جا من الغالي بروق تمطـرعَلَـي معها بشايـر سَــلاَمِــهْ محبكم الدوسري