::: مـنتدى قبيلـة الـدواسـر الـرسمي ::: - عرض مشاركة واحدة

**معلومات** **العضو** · 25-12-2005, 10:41 PM

اقتباس:

المشاركة الأصلية كتبت بواسطة دغش البطي

هنيّ الذي عقب العشا كبّر إوساده = وأناعيني القشرا عن النوم ملدوده
وجودي توجّاد المجلاّّّّ عن ابلاده= جداه إيتزفّر لاذكر موطن اجدوده
أكنّ العباير خابر الناس نقّاده= أحاول قدر الإمكان والنفس مظهوده
وإلى رحت بلحالي جرى الدمع كالعاده= ادموع ٍ إتترجم عن شقا القلب وإلهوده
وأنا مابلاي الحب والشوق (يازاده)= بلاي الزمان اللي تعدّى على احدوده
زمان ٍ خذلني وإنطوت صفحة أعياده= حرمني وهو يمناه للغير ممدوده
ولكن معا ربّ ٍ رحيم ٍ على اعباده = مفاتيح أرزاق المخاليق موجوده
أنا مؤمن ٍ بالله مانيب جحّاده= ولانيب خبل ٍ يتبع ابليس واجنوده
ولانيب من يسهر على صوت ميّاده = ولاشدني جلسة عبادي على عوده
أناأرجي فقط حسن الختام وتشهّاده= وهذا هوى قلبي وشفّه ومقصوده


	الأخ العزيز الغالي والمراقب المميز : الشكري بيض الله وجهك ياابو عبدالله فالحقيقه الله لايحرمنا منك ولامن تواجدك ولامن المميزين شرواك كل مارأيت إسمك تيقنت بأن وراءه مشاركة طيبة ولم يخب ظني فيك ولايوم وماهذه القصه والقصيده لشاعرنا برق الجنوب إلأ دليل على حسن أختيارك فنهنىء أنفسنا بك وبتواجدك معنا جعل من أرصك في الجنة تأكد لو أكتب في جميع الصفحات فلن ولن أوفيك حقك من المدح ياذيبان وأما شاعرنا المتألق برق الجنوب فنقول له صح الله لسانك وإعتلا شأنك دنيا وآخره وبيض الله وجه زاده اللي ناقشك حتى أتيت بهذه الدرة الثمينه واللتي لانستغربها من شاعر بحجمك . دمتم لنا يامراقبنا العزيز وياشاعرنا المبدع وكثر الله من أمثالكم عاطر التحايا القلبية من محب الجميع : دغش البطي

محب الجميع ومحبوبهم ( دغش بن بطي )

الف شكر والف عددهم على مرورك الغالي والعزيز

وجعل شيبان ارثوك الجنه

وشهاده غاليه من غالي

فقد اغرقتني بوافر كرمك وجزيل وصفك

وهذا بحد ذاته فخر لي ومكسب لانها تصدر من رجال شرواك

ولا على الربع الباقين قصور وفيهم البركه

بارك الله فيك

والله لا يحرمنا منك