[معلومات العضو غازي المسعري]

وادي الدواسر ـــ غازي المسعري (تغطية): وصل يوم أمس الخميس لمحافظة وادي الدواسر وفدٌ من أبناء قبيلة زعب يتقدمهم شيخ القبيلة الشيخ عبدالله بن سحوب, ويرافقهم الشيخ حناش بن جارالله القحطاني , وذلك لطلب وجاهة الدكتور محمد بن مران بن قويد, والشيخ ظافر بن مشبب الهلقمي, عند الشيخ نايف بن هندي المخاريم وإخوانه وذلك بعد ان قام احد أبناء قبيلة زعب بقتل ابنه قبل عامين تقريباً. من اليسار الشيخ زابن بن متعب بن قويد يليه الشيخ عبدالله بن سحوب يليه الشيخ مشبب بن ظافر الهلقمي الدكتور محمد بن مران بن قويد الشاعر عبدالله الزعبي يلقي قصيدته وفور وصولهم إلى وادي الدواسر اتجهوا لمنزل الدكتور محمد بن مران بن قويد الذي كان في استقبالهم وعدداً من أبناء قبيلة الدواسر, ثم القى الشاعر عبدالله بن عجين الزعبي القصيدة التالية : سلام الله على شيخٍ سوات الجدي يسرابه=على ابن قويد وابن قويد فيه المدح ينقالي على شيخٍ فتح صدره على شيخٍ فتح بابه=على شيخٍ يزبن بيته الجايع مع الجالي على شيخٍ الى جاء في المواقف يحسب إحسابه=مهوب اللي يجي ويروح لا والي تالي على شيخٍ يجمل موقفه ربعه مع اصحابه=ولا ينسى ولا يقسى ولا يفتر ولا يبالي أسل ارهف بيوت الشعر مثل السيف وجرابه=على جزل المعاني لين تصبح ضرب الامثالي لفينا والحقيقة من زمانٍ كشر أنيابه=نبي عفو الكرام اللي ليا منها عطت غالي نبي وجهك نبي جاهك نبي عرفك مع اللابه=بعد ربي على إيدينك تحقق كل الامالي نعرف ان الدواسر هم هل النخوة هل الجابة=أهل فرض السلوم الطيبة في كل الاحوالي نعرف إن الدواسر كل مجمع خير تبداء به=من عصورٍ قديمة لين وقتنا الحالي ختام القول يابن قويد جولك زعب طلابه=ولا تطلب سوى من روس قومٍ قدرها عالي صور فور وصول الضيوف بمنزل الدكتور محمد بن مران بن قويد جانب من الاستقبال الشيخ متعب بن جروان بن قويد رئيس المجلس البلدي سابقاً وبعد صلاة العصر من اليوم نفسه اتجه الجميع الى منزل الشيخ ظافر بن مشبب الهلقمي, الذي كان في إستقبال الجميع وابنائه الكرام, ثم القى الشاعر عبدالله بن عجين الزعبي القصيدة التالية: الا يالله ياربي بدينا=طلبتك يامجيب السائلينا نداء عبدٍ تناوشه المنايا=تجيه أيسار وايضا من يمينا ولا وقف سواء في باب عفوك=وعفوك هو نجاة المذنبينا بعد هذي صلاة الله وسلم =على محمد ختام المُرسلينا نبًي الأمة الغر المُبشر=سراج نوَر الدرب ومشينا على سلم من سلوم العروبه=لفينا يالرجال الطيبينا سلومٍ عزها الدين ورفعها=حميدة من عصور الأولينا اراد الله وجينا يالدواسر=بليتو ياعرب وايضا بلينا ولا تبقى عظيمات المصايب=على صبر وصلاة المؤمنينا سعى ابليس اللعين اللي عقدها =لعنك الله يا أبليس اللعينا بعد جينا الدواسر والدواسر =تفك ارقاب وتحرر سجينا دخلنا بوجه ربي جل وجهه=ثُم وجيه الشيوخ المُحسنينا عليكم يالمخاريم العريبة=هل الواجب على عسرٍ ولينا عليكم يالمخاريم العريبة=رجالٍ حدكم حد السنينا عليكم يالمخاريم العريبة=جمعتوها على دنيا ودينا على رقبةٍ تحت سيف الشريعة=محنا بتحت ربي ميسينا على رقبةٍ ولو عاشت ما عاشت=ترها في حساب الميتينا ولا يعطى الرقاب إلا أهلها=ترى في غير أهلها ما تزينا هذي والله كبيرات العطايا =وهايب ربنا للمُتقينا في مثل الهلقمي نبغى الوجاهه=بدينا بالعوارف وابتدينا عليك الله وقفنا يابن هندي=وقفنا يوم أراد الله وجينا وقلنا ما وجب منا مقاله=على ربي عوين الصابرينا بعدها القى الشيخ حناش بن جارالله القحطاني كلمة أكد فيها على أهميه العفو عند المقدرة والصفح, وان ذلك من شيم الاوفياء, ومن كرم الكرماء , وناشد في كلمته الشيخ نايف بن هندي وإخوانه بقبول شفاعتهم والتنازل عن قاتل ابنهم, ابتغاء ما عندالله سبحانه, مؤكداً أن ذلك ليس بغريب عليهم. ثم غادر الجميع المحافظة مودعين بمثل ما استقبلوا به من حفاوة وتكريم. صور من منزل الشخ ظافر الهلقمي لدى إستقباله للضيوف وقد ناشد أبناء قبيلة زعب الذين التقتهم "وادي الدواسر" الشيخ نايف بن هندي وإخوانه بالعفو عند المقدرة والتنازل عن قصاص ابنهم, مبيناً ان ذلك لا يستغرب على أبناء قبيلة الدواسر عامة وقبيلة المخاريم خاصة. ونحن بدورنا في "وادي الدواسر" نناشد الشيخ نايف بن هندي المخاريم وإخوانه الكرام بالعفو والتنازل عن القصاص وإحتساب ذلك عند الله - عز وجل - . http://www.alwadye.com/news.php?action=show&id=7727