قولوا لمن غرته عينه على الفاضي = ثم راح برى الوطن تلعب به ظنوونه
يبغى الطمع من ورى ناس لهم ماضي= مدري عن البير واللي داخل اركونه
خلك بدار الحسب مصيون الاعراضي= محروسة من جميع الشر مصيونه
لا اخطيت بنت البلد فلا انت متقاضي= لو جبت من غيرها عشرين مزيونه
منتوقة جسمها مبروم ورياضي = ابوجديل ليا هله كسا متونه
والخد ساهر مرور دون حماضي = متجاوزه لكزس ن يعد طبلونه
والعين عين امحكوم صدر القاضي= حكمه بعشرين عام وطارت عيونه
والهرج تخدير طب ن ضد الامراضي= سبحان من جمل النبرات بفنونه
باقي الوصايف خطوط حمر وعراضي= ماودي اقولها والناس ملسونه
انتاج داري وانا في حبها راضي= من عاف منها عسى ماتلفي ضعونه