السلام عليكم ورحمة الله وبركاته
مرثيه بداح بن جمعان ال بريك الدوسري في صديقه حمد بن جحيش المعدي التميمي رحمه الله : |
انا ابدي بذكر منفس الكرب والشدات=وله رادتن يقدر ولاهيب مقـــــــــدوره
لطيفٍ بخلقه يغفر الذنــــــب والزلات=عبيده مناهجهم على الخير مامــــــوره
ليل الربوع امسيت انا اصارع العبرات =وذكرت اليالي الي مضت كان مستوره
ذكرنا ليالٍ في مجين وفي روحـــــات= ولاافكر ان الوقت يلــــــعب بنــا دوره
في لازم ابن سعود وان راقب الحذرات = نتطمن عليها تحت تصريفه وطـــــوره
حجل القوايم يرتعن في الوعر شـــتات = حماها حماها الله وهي كان مخــــطوره
وراها رجالٍ بالعزايم و بلهــــــــمات = تحت راي ابوسلطان نمشي على شوره
من اسرةٍ تعـــــرف مواقيفهم عسرات = حتى ام المعارف حربها خاضت بحوره
انا لوبعبر فعلهم حالي ومافــــــــــات = في وقت جم البير صاري ومجــــــهوره
يوم الرجال تغيير بالهجن والزلبـــات = في وردهم روس العدا كأنها كـــــــــوره
اصخر جزيل الــقاف وترك الهزلات = كما رايحات الطيب لافاحت عطـــــوره
ارحب بابوسلطان بالنوم واليقضـات = ارحب وسهل عده طويق وصخــــــــوره
رحبت بالي رحلته من امريكا جات = عداد البحر وعداد ماتجري نهـــــــــوره
لوان دموع العين بترجع الي فـــــات = بكينا لين دموعها تنشف حجـــــــــــوره
بكينا الفقيد إلي رحــل خاتم الشارات = اصارع افكاري فيه والنفس مقـــــــهوره
ابوعلي من لابتــــن تكسب الطالات = ونفسه على العليا عزيزه ومـــــــسروره
عريب المجاني راحبه هادم ألـــذات = عسى مسكنه في جنت الخلد وقصــــوره
تخالف عباري لاذكرنا هل العادات = تنقل حمول الضيم ماتشتكي جـــــــــــوره
مثل ماذكر جبران جاله برمز أبـيات = وله قدرتن في العرف ماهيب محضـــوره
ختمنا بذكر إلي الالجت الاصـوات = شفيع امته لاقدم العبد ميــــــــــــــــــسوره