***
قال الشــكاله للرجـــال المشـــاكيل
والذل في بعض المـــواقف شـــكاله
يعني كذا والاكذا , يرجــــح الكــــيل
لاهانت بيوت الحكــم والجـــــزالــه
هــرج السعه فيه العجب والتهـاويل
فيه البطــــولــه كلـــــها والبطــالـه
على الضما ياصعب شــرب الفناجـيل
الشــــام يبـكالــــه ويرثـــى لحــــاله
الله ياكـــثر العـــــــباد المـــــــــقاتيل
راحـوا ضحايا في غياب العـــــدالـه
دم العـــرب ينزف على شــاطي النيل
والشـــــام بيدين المجــوس الحــثاله
وان صد عنها بارد الوجـه والحـــيل
صدو بني عمه وصـــدوا عيــــالـــه
خام العروبه غــير خــــام البرامــيل
يا مرخصن دمـــه ومغلــــي ريالــــه
لله درّ الشـــآم كــــنزّ الرياجـــــــيل
اهل الفداء والتضحيه والبــــــسالـه
يهـــتز من تكـــبيرهم والـتهالـــــيل
ايوآن كســــرى في قلوب العــماله
احجار من سجــيل وطــــيور ابابـيل
على جيوش الحقــد واهل الضلالــه
ياشام دائـــم فــي مرابط هل الخــيل
والنصر لك من عند رب الجـــلالــه
اوصى عليها سيّـــد الخـــلق جبريل
الصادق المرسول بأصدق رســــاله
خـــل الشـــكاله للرجـــال المشاكـيل
والـذل في بعض المـــواقف شكالــه
***
الشاعر محمل بن فلاح