واليوم بنصى من له الناس ينصون = رجلِ على فعـل المواجيـب كسـاب
من لابـةِ يـوم الملاقـى يضـدون = عدوهـم بمشـوك النـار واحـراب
لبو الحميدي برسل العلم مضمـون = برسل رسالة ود واجلال واعجـاب
يا سالم المنعـور والنـاس يـدرون = ان كم من شيوخ القبايل والانسـاب
الراس مايصلح بلاجفـن وعيـون = بقولهـا صـدقِ ولا نيـب مرتـاب
ربعٍ لنا والعلـم صـدقِ ومـوزون = متوارثين الطيـب شيـبِ وشيـاب
وقيان الصخابره
الله لايهينك يا نسل المناعير على هذه القصيده الرائعه
في ولد عمي سالم بن الحميدي بن محمد
وعزالله ان ابو الحميدي يستاهل الطيب
ومهما قلت فيه فشهادتي فيه مجروحه .
وابشر طال عمر باللي يقدر عليه ابو الحميدي
ولاهوب مقصر ان شاء الله
ولك خالص التقدبر