قصيده الشاعر فيصل العتيبي من دوله الكويت قصيده هجااء لمسلسل ساهر الليل !
ياكبرها الشرهه على ساهر الليل =ليته قبل ماينتظر للسهر نام
اللي فضحنا بالقصص والتهاويل=والغى وجود المملكة وأم الاسلام
يعني ترى من باب قصه وتمثيل =مايدري ان الواقعية لها اخصام
شلة حوش واللي دعمها مهابيل =سيناريو جاهم على روس الاقلام
مافيه من بيض الحقايق تفاصيل =تفرغوا للكذب من بث الإعلام
بحثاً عن الشهرة دعاية وتطبيل =وحنا لهم حاجز على الدرب قدام
يالقهوجي لا لاتسوق الفناجيل =مادامها صارت متاهات واوهام
اما نقول الحق ونعلم الجيل =ولا بلا قهوة ولو نلبس زمام
سترك ياربي فالليال المقابيل =الناس فسقت من ورى زود الانعام
ياعارفين الحق جملة وتفصيل =فحوى الرسالة والشكر بصمة إبهام
رسالتي واليوم تحتاج توصيل =للملكة والواجهه دون الاسلام
معروفها يبقى ولا فيه تضليل =لولا السعودية غدى شعبنا أقسام
حكامها تبذل لنا الجهد والحيل =ياعنك فيها للمواقيف حكام
والشعب وافي والشكر للمشاكيل =ماقيلوا فالظل والجار ينظام
على حدود الدار غنوا مواويل =يعني بدال الخوف شيلات وأنغام
لين انتهت والحرب صارت تساهيل =هم السبب في طردة جيوش صدام
واليوم يشرح وضعنا ساهر الليل =يعطي ثنا للغرب ويرز الاعلام
لكن مسلسل والمسلسل تهاويل =والمملكة تبقى لنا درع وحزام