الاوله جيت البي دعوة الداعي=مبروك ياعايض ودعوتك ملزومه
والثانية هاجسي للموجبه واعي=واصخره في لزوم تطرب علومه
واقدم لكم من اغلا الدر ماطاعي=فرايدا ماتجي للي عشق نومه
اغوص وسط البحر واجود شراعي=من فضل ربي جليل الملك واعومه
واجيب من دره ولولوه انواعي=والماهر انافسه واحطم رقومه
جبتلكم اهلا هلا والجهد ماضاعي=يامرحبا والفكر لاهاض ما الومه
عن عزوتي ربعي نتيفات تنذاعي=للي لفا ضيف تنشر له على قدومه
ناسبت ياعايض اللي ذكرهم شاعي=هل حربة في اللقا ماهيب مثلومه
الاد كابر لهم يوم الجهل باعي=في الجود والطيب والامجاد ديمومه
الاد كابر ليامن ثور القاعي=كسيرهم ماجبر ويجيه مقسومه
لاجا نهار به الارواح تنباعي=يانعم يالعزوة اللي تبعد الحومه
متيهين العشاير مالها راعي=كل حمى ذوده بسمعته ووسومه
عز الخوي والدخيل وتوفي الصاعي=والجار مايشتكي مادامهم قومه
ذولا كبرا كان جا للطيب زعزاعي=منهم وفيهم يعود الطيب وسلومه
صعب المواقف لهم ينقاد مطواعي=تطوع اللي صعيب كايد زومه
ياربعي المدح فيكم كله ابداعي=ينقاد فيكم وهرجي بان مفهومه