بسم الله الرحمن الرحيم
( في ديرة آل حميد صلبين الاشوار )
قصيدة للشاعر بدر بن هزاع بن حزيم الرجباني الدوسري في قبيلة آل حميد الدواسر ، بعد عودته من الغربة ويرافقه أخيه خالد بن سعد الرجباني عام 1418هـ .
الوقت طول و أنت يا القرم دوار = نوب مسانيد ونوب محادير
في ديرة آل حميد صلبين الاشوار = كسابة الناموس ربع مناعير
كم واحد من ضربهم عظمه كسار = خلي عشىٍ لمعكافات المناقير
( ربعي محددة الجمل يوم الادبار )
وقد قمت بالرد عليه بقصيدة منها : ( الشاعر مبارك بن سيف بن غانم آل حميد الدوسري )
يا لله يا لمعبود يا والي الأقدار = يا وامرٍ عبده على نية الخير
يا مغرق فرعون في موج الابحار = ويا مخرج يوسف من الهول والبير
انك تساعدني على قول الاشعار = وانك توفقنا دروب التياسير
والشعر له مبدا ومعنا ومعبار = واللي مهيضني كلام المسايير
ربع من الغربة لفونا بمسيار = وانا لشوفتهم نسوق التباشير
يا مرحباً يا خير من جا ومن زار = ترحيبة فيها معزة وتقدير
ما غرد القمري على روس الاشجار = في خايع من بين نبت ونواوير
وما ظف ريشه طاير في الهوا طار = وما غردت فوق الغصون العصافير
يا مرحبا من خاطري سر واجهار = ما هل وبل من مزونٍ شخاتير
ترحيبة يا هل المواجيب والكار = من بعد ذا الغربة وكثر المشاوير
الله يحييكم بعد طول الاسفار = بين القبيلة في وساع الدواوير
من روس ربع تكرم الضيف والجار = اهل الوفاء والمرجلة والمخاسير
نطاحة الهيجاء على قحص الامهار = لا مشعت بيض السيوف البواتير
خيالهم من ساحة الموت ماذار = كم واحد دزوه دون المصاغير
مظهورهم لاثار صياح وغبار = ينزل اليا ختفت جميع المظاهير
ربعي محددة الجمل يوم الادبار = في ساعةٍ معاد يقبل معاذير
من لابة تسقي العدا كاس الامرار = الاد زايد لابسين المقادير
دواسر تعرف اليا صار ما صار = وتاريخهم يبني معزة وتفخير
رياض من الأدب الشعبي
جمع وتأليف
مبارك بن سيف بن غانم آل حميد الدوسري