مع موج البحرجات القوافي تصطفق بالجال
تبي بوح القصيده من هموم القلب وحزانه
وتنطحها خيال الشاعر اللي يوم طاب الفال
كتب من راسه اللي لو يموت (الحب) ماهانه
وانا اللي لاسرى ليل الغرام ومالقى منزال
يجي في شيمة(ن) توفي من الديان ديانه
ترى مانيب من ناس(ن) تدور ويش قال وقال
ولي قلب(ن) يميز فزعة ربوعه وعدوانه
احب الصدق واحب الحقيقه واكره المحتال
ولاحب الرفيق اللي تهز الناس وجدانه
اعرف ان المحبه ماتحمل غلطة الجهال
ولو تبرى عيون(ن) من ثلاث اعوام ولهانه
يقولون العشق بلوى وراع الحب حاله حال
وقول اصل الهوى يجرح محبينه وخلانه
مادامك تعرف ان فراقنا تفرح به العذال
فلاتشره على اللي لا تشمت يطلق اللسانه
ولو راع الشماته يعتبر من زمرة الانذال
لزومن كلمته تلقى مكان(ن) عند صحبانه
مبارك العمور