[معلومات العضو فهد الغريري]

يا مناحي الوقت الاول ماهو التالي =امن اول(ن) بالشجاعه شاخ ابن هادي
وشاخ راكان في العجمان من تالي=وفالدواسر عليهم عامر زيادي
وشاخ تركي على العتبان ثم طالي=هذي تراها بعض لامثال تعدادي
هذاك وقت(ن) مضى يازين الامثالي=فيها المراجل طعام الرجل والزادي
فيها يشق الدروب وعسرها زالي=وان كان حصل عليها صار منقادي
وربعه تصف الصفوف وتحمي الجالي=وقدمته المراجل يوم هو جادي
واليوم اشوف المراجل سرجها مالي =وشاخ ناس(ن) بلا تاريخ واجدادي
شاخ منهو يدز ريال بريالي=وسمي الشيخ من ناس(ن) له تنادي
قصدها من بنوكه تجمع اموالي=ولا تراها تعرف انه بلا شدادي
عالمن حايله والوقت محتالي=كلن على ملته ماهوب منحادي
ماهوب سلم(ن) لنا ياكيف ينقالي=ياناس هذا غلط ياكيف نعتادي
يا مناحي الحال هذا ماهو بحالي=ولانيب منقاد مع عربان تنقادي
لون وقتي يشين ويمحق فالي=واشوف كل المصايب صبح ورقادي
ولا املك الا شماغ(ن) ماله عقالي=مدرعم الراس واقول الوضع عادي
لكن وشترتجي من ناس(ن) هبالي=ياحيف ياوقت صار الذيب منصادي

الشاعر العزيز الغالي ابو سعد " ابن وتيد "

ارررررررررررررحب ياذيباااااااااااااااااااااان تراحيب البدو السيل

صح الله السانك وعتلا شانك وزادك الله من زوايد فضله

ابو سعد لا فض فوك على هذي الدرر التي اتحفتنا بها

وكل بيت من قصيدك يوقفني كثيراً بما يحتويه من معاني في جنباته.

ابن وتيد عسى الله يبارك في احساسك وفكرك ومنطوقك الشامخ

وننتظر منك جديدك المميز ياعشير المناعير

وتقيل تقديري واحترامي

اخوك / فهد الغريري