ابعدي ياضيقة الصدر عنـي واغربـي..عن محيا سمح لاضـاق للمولـى سجـد
لاذكرت الله من الخوف عـزّي لركِبـي..كيف اكابر والله الواحد الفـرد الصمـد
الله أكبر ... بيض الله وجهك ، الله يجعلنا وياك ممن يخاف الله ويتقيه
للعرب مذهب وانا فالشعر لـي مذهبـي..وكل واحد شيخ روحه نـزل ولاّ صعـد
دامني من بحر الاشعار عارف مشربـي..سجلونـي للجزالـه وكيـل ٍ معتـمـد
مايحتاج احد يسجلك وكيل معتمد ، أنت مصنع من مصانع الشعر ويستفيد منك الوكلاء
راكب اللي لستوى الخط مايدبـي دبـي..منـوة السـواق فالقـار ولاّ فالجـلـ
اسمـه ال(vxr) ولاّ عريـب المنسبـي..يـوم غيـره لاذكرنـاه تِكمالـة عـدد
مالك لايم عز الله في مدحه
صانعه ملعون كوثـر وكافـر واجنبـي..مايفكّـر فالقبـر والنصايـب واللّـحـد
لو اقول انه غبي كيف يصنع ذا غبي؟؟..مااعتقد ان الغبا مـن صفاتـه مااعتقـد
ان تكلّم جات الاحـرف ذليلـه وتحبـي..من كلامه كـن عنـده مشاكـل فالغـدد
(كن عنده مشاكل فالغدد) ههههههههههههه عز الله وصفته ذالخواجه
الله اكبر يازمان ٍ سبـى حالـي سبـي..الوعد مدري متـى ويـن لكـن الوعـد
كان عمري طـال والله لحقّـق مطلبـي..وعقّب اللـي فالشدايـد يمينـه ترتعـد
كفو والله كفو يابن جخير
دامني مرتاح واشوف زول امي وابـي..جعل عيـن ٍماتبينـي يطاولهـا الرّمـد
هذي الثمرة فالحياة وجعل الله يوفقك لبرهم ورضاهم.
أخوي البرنس صح لسانك مليوووون على نقل هذه النادرة في ماتحتويه من جزالة الكلمات والألفاظ وقوة المعاني ، واشهد بالله إن سالم بن جخير شاعر ولا تخلينا من قصايده اللي هذي القصيدة جزء منها.
سؤال للأخ البرنس:- إلى أي القبايل يرجع ابن جخير ... هل هو يامي ؟؟أم ماذا ؟؟