( قصيدة الشاعر / حسن بن بطحيه الودعاني
في الامير ظافر بن مشبب الهلقمي )
هب ريح العود الازرق من كريم في محلـه=عادته يشري من اعلوم المراجل كل غالـي
نفحتك يالعود الازرق فارق بالطيـب كلـه= مثل ذكر الهلقمي لاهب نسنـاس الشمالي
يحترق من شان مايبدي على عانيه خلـه= لوطا الجمرالحمرماجـظ لويصـلاه صالـي
كل ماهب الهـوى ذكـره بنعـم مردفلـه= سيرته من سيرة الابطال لاجابـه مجالـي
ياسلام الله سـلام الطيـب ريحانـه وفلـه=من ضميرمايعشـق الاكريميـن السبالـي
مثل شروا ظافربن مشبـب ابفعلـه ودلـه= شيخ قوم فعلهم مخبور في مـاض اليالـي
الشجاع ابن الشجيع وكلبوها ورثتـن لـه= الكريم ابن الكرام ان عدو اكـرام الرجالـي
شيخته ماهيب ختم ولوحـة تركـز بفلـه= ولاخذاها بحب خشـم ولاتهيـت بالريالـي
ولاخذاهـا بالدعايـه بالجرايـد والمجلـه= غير باحداث الزمان اوقفتـه بـاول وتالـي
شيخ مجرب ورايـه يعقـد الحبـل ويحلـه= وان ورد يارد صليب الراس وحباله طوالـي
والمراجـل والله انهـا ماتعـداه اوتـزلـه= سلم ابوه وسلم جده من عمام ومن خوالي
يوم ذيب الهضب عاوي والعرب ضعفه وقله= مشخر الفرسان من ظربه خذا الاسم المثالي
وقفو لاد المنيعـي يـوم زرقـات الاهلـه= وحتمو الهضب المسمى باسمهم مابه جدالي
لابـة ماتسكـن الابالرفيـع وتستحـلـه= ان بغت بالطيب ولاغصب مافيهـا اشكالـي
الله الي حطكم مثـل النجـوم الـي مطلـه= ياطحاطيح الرجال ويـا مطانيـخ العيالـي
والخلاوي يوم غنـا بالطويـلات المظلـه=شوقه فعل المنيعـي ماتغنـا مـن خيالـي
يارسول الخير الى من جيت ابومشبب فقله= ابن بطحيه يغني من غلا والـراس عالـي
وامدحه من طيب راس وباس واعزه واجله =العديم الي يليق ابه الثنـا واف الخصالـي
يرتكي حمل الرفيق وينقل الحمـل ويشلـه= والاجابه منه تشفي كل ماصعـب السؤالـي
والكلام الي على وقتـه وميعـاده وحلـه= اشهدانه ايجمل الرجـال ويصـدق مقالـي