طريق الهوى
صعبٍ على الماهر السبّاح
انا الذي ذبحني يوم عرض عليَّ وراح
يا ليته جلس عندي دقايق ولا راحي
يا ليته جلس عندي شويٍ معه وارتاح
علشان لا شفته عنا القلب يرتاحي
علشان همّ القلب في مواجهة ينزاح
تزيل الهموم وعبرة الصدر تنزاحي
وليفٍ عفيفٍ مع جماله بعد مزاح
يتل الضماير في كلامه ومزاحي
جميلٍ ليا من لبّسوه الذهب واوشاح
كما مهرةٍ تستاهل الكاس ووشاحي
ويعرض بخدٍ كنّه البرق لا من لاح
يضوي سنا خدّه كما البرق لا لاحي
ليّا من ذكرته في حلا النوم سدّي باح
اجر الونين وخافي الصدر ينباحي
لانه طعنّي في عيونه بدون سلاح
بسود العيون بدون طعنات واسلاحي
يجيني عليه من الوله والحنين اشفاح
تجيني على شوفه تفاكير واشفاحي
واكتم على الأَسرار بالقفل والمفتاح
واحطّه بقلبي بين قفلٍ ومفتاحي
وطريق الهوى صعبٍ على الماهر السبّاح
يغرّه هوى الخفرات لو كان سبّاحي
((الشـــــــــــرح)))
راقت لي ونقلتها لكم