اعضاء وزوار هذا الصرح الشامخ برجاله الآوفياء
السلام عليكم ورحمة الله وبركاته
بعد طول هذا الغياب الخارج عن ارادتي فانتم مهما طال الغياب في القلب دائمآ
وعلى ماقال راعي السالفه (من طول الغابات جاب الغنايم )
واضع امامكم هذه القصيده في الشيخ / عبدالله بن نايف بن نيف الودعاني
[
يالله ياللي تسمع الطلابي = وياقابل التوبه من اللي تابي
اقبل دعاي وطلبتي ياربي = ثم دلني للمنطق الصوابي
نويت اترجم مايدور بصدري = والشعر حضر وانفتح له بابي
سلام من قلب صدوق صادق = واعداد نجم في مساره غابي
واعداد من كبر وحج ولبى = واعداد ماخط القلم بكتابي
مني لبو نايف ولااحد غيره = ينساق له شعري واحث اركابي
عبدالله النايف عريب المجنى = امن الجميع معرب الآنسابي
عبدالله النايف زبون الخايف = لاكلح الشارب وبان النابي
له موقف بين المواقف بين = ينشاف لاجاء الموقف الغصابي
عبدالله النايف حميد السيره = شيخ وساسه للثناء كسابي
عبدالله النايف كريم اليمنى = غيث سحابه بالمطر سكابي
سيله الى منه وطاله ديره = عقب المحل تزهربها الأعشابي
يمناه دايم بالعطى ممدوده = وخيره شمل الأجناب والأصحابي
واليا عطى يعطي العطايا الجزله = يعطي ولايقفا عطاه احسابي
وبيبان بيته دايم مفتوحه = ماهو من اللي يسكرون البابي
وله مجلس تلقاء به البريه = وحيل على بيض الصوان اتجابي
وفيه الصفات الطيبه مجتمعه = ومنها صفات الحاتمي واذيابي
الله يجيره من صدوف الدنيا= ويبقى لنا درع وسند واحجابي
ومادام موجود فنا من حقي = ادعس على راس الخطر ماهابي
وفخر بفعله وتنومس يومه = السيف سيفي والنصاب انصابي
ارجو ان تنال اعجابكم ولكم خالص تحياتي 00
اخوكم / تركي بن هذال بن نيف