::: مـنتدى قبيلـة الـدواسـر الـرسمي ::: - عرض مشاركة واحدة - صوت محمد اليامي صدى خالد البرجس
عرض مشاركة واحدة
قديم 07-12-2011, 12:53 PM   #1
 
إحصائية العضو







خالد المشاويه غير متصل

خالد المشاويه is on a distinguished road


افتراضي صوت محمد اليامي صدى خالد البرجس

السلام عليكم ورحمة الله وبركاته



مساكم الله بالخير ..



بعد الانقطاع الطويل نستبيحكم عذرا ونقدم هذه المساجله بيني وبين اخوي الشاعر

محمد بن علي آل عبدان اليامي



يقول محمد :





جزل القوافي من الاشواق مرسوله = مع باقة احساس تاصل ذرب الايماني
وسحر المعاني من الاعماق منقوله = مثل الذهب والظروف العوج تحداني
والحمله اللي على الامتان محموله = الحمل ياصاحبي تقدر له امتاني
لكن بعض الحقايق غير معقوله = تسوقني للعلا وتهّيض اشجاني
ارمي سهوم الهدف وابيّن حلوله = لكن توفيقنا من عالي الشاني
من غاص غبة بحر بيجيب من لوله = مابه فلس دام محزم همتي حاني
جتك المواضيع مبنيه ومجهوله = نبغا نصيد الهدف من بين الاعياني





ورديت انا





يامرحبا والسيوف الحدب مسلوله = متحزمن للصعب ومسرّج حصاني
بالصاحب اللي يجي فعله على قوله = محزم ظفر لاتداعا كل قوماني
شاعر وله بالقصايد صوله وجوله = حرن وله ماقفن في كل ميداني
ياصاحبي والبلد ماهيب مؤهوله = ضاع الدليله وراع الحمل عطشاني
الدار قفرن وليله يضفي سدوله = ضاعت هقاويه لا فاول ولاثاني
العلم موجن يخيف الناس من هوله = والحمل ماله سوا منكب بليهاني
جتنا رسالتك يامحمد ومقبوله = للعلم عالم وللميقاف شاماني

 

 

 

 

 

 

التوقيع

ماني من اللي زلة الصاحب لاجاته تفرحه = بعض البشر ماميّزت باصحابها وخصومها
وان جا يحرّث جمر صحبة عمر بالطيب اطرحه = لي عادةٍ يوم العرب بطبوعها وسلومها
يوم الجدي ماغاب نجم سهيل بالعام المحه = مراجلٍ تحضر مع الموسم تغيب نجومها
والقرم فعل الغانمة عند اللوازم مشلحه = والا الضعوف ضعوف لو تكشخ بكل هدومها

    

رد مع اقتباس