السلام عليكم ورحمة الله وبركاته
يوم كنــت بايام الدراسه كانت العقليه {مااااش} لكم عليها، المهم هذي القصيده كتبته
لمدرس الكيمياء، بعد ماسويت معه مقلب {انما ايه} المهم عينوني عريف با الفصل بعد
ماقامو عيال الفصل بترشيحي اعتمدها مدير المدرسه وصبحت عريف فصل رسمي،
المهم بعد مرور ثلالث اسابيع من الدراسه ، تم تعين مدرس جديد خلف لمدرس الكيمياء
اللي تعين،خارج الرياض، وتخبرون مدرس جديد يجي مسوي فيها ، عصبي بيفرض
شخصيته غصب ولا طيب، دخل الفصل سلم ، شرح الماده ،مضى الوقت ،جت اختبارات
منتصف الفصل، الرجال ماقصر حدد لنا الاختبار، بنفس اليوم اللي حدد لنا فيه لاختبار
{ اقردني حضي} عطاني احد الاصدقاء قلم كهربائي، تحداني اني اعطيه المدرس
عشان يوقع على ورقت الغياب........
الـــــــــــــــــــــمــــــــــــــــــــــــــ ـــهــــــــــــــــــــــــــــــــــــم؟؟؟؟؟؟؟؟
تخبرون دوسري اكيد يعشق التحدي، فقبلت التحدي اني اعطيه القلم الكهربائي عشان
يوقع، عطيته القلم ، فجاء بيوقه كــــــــــــهــــــــــــــــرب الــــمدرس
الفصل قام يضحك ونا معهم..........
بعد خمس ثوااني،،،،،،،،
صرخ صرخه كنه ميتله احد... وقم يلعن فيني ... وقال واقسم انه يخصم علي في لاختبار
مع خصم خمس درجات المشاركه .. مع حرماني من دخول الفصل لمده اسبوعين .... الى
اذا جاء ولي الامر
فنـــضمت هذي الابيات اعـــتذار للمدرس
اقـــــــــــــــــول............
يقــول اللي بدع من قـاف شعـره جوهر منـضود
يجيه القاف ماحاله ولا عــسر قوافيها
يزول الــباس عن كف تضرى با الكرم والــجــود
عسى تسلم كفوف ماتمد الى لباريها
انا بــعتـذر وقــوافــي الشـعــر علي شــهـــود
تــشهد على اللي مــضـى في لياليها
وفــعلــي الــيــوم ياالــمــدرس غير مــحمــود
كـــنـي سـفـيـنــه حـارت في مـوانيـها
ابــن آدم الـــيـــوم زلاتــه مـــالــهــا حـــــدود
أرجوك تاخذ الزين بافعالي وتترك بواقيها
تـرى مــاني من اللـي يفعل الشين بجــحــود
ودعــو من الله يرد المــاء الى مــجاريـها
ونـــكـــان قــصـــدك الــخــمـس فــداك وزود
فـــدى الــطــيب من وطى في مـواطيها
لــوكــثــر الحــكــي حـقـوقـك مـالـهــا عـدود
حــتــى الــقــوافي ماتــعبـر مع معانيها
وصلاة الله يلــي عنــدربــه مــنــزل محمــود
عد مـاطـــاف با الكــعبـه ولبى في مبانبها
وسلامتك...
بعدها المدرس كنه لان راسه ورضى علي بعد حب الخشوم، وبعدها قررت اني اقدم
استقاالتي من عريف الفصل، اللتي قوبلت بتجاوب كبير..............