بسم الله الرحمن الرحيم
أسعد الله صباااحكم بكل خير المعذره يالنشاما على الغيبه ونقدم لكم هذه الابيات المتواضعه عسى أن تشفع لنا عندكم ....
يالله أني في وزاك ألتجي منك أليك=في رجا عفوك ولاني غني من رحمتك
يالاه الخلق ياواحد(ن)ماله شريك=ياكريم(ن) مدة أهل الكرم من مدتك
ياعليم الجهر والسر ماهوب يخفيك=ياقدير(ن) تحيي الميتين بقدرتك
يامغيث اللي لجالك على الدنيا دريك=ياعزيز(ن) فوق كل الأعزه عزتك
ياملك كل الملوك واللذي غيرك مليك=ياعظيم(ن)فوق كل الأعاظم عظمتك
يطلبك عبد(ن) مقصر ومتوكل عليك=كل مامن زل وأخطى وجل من خشيتك
يتمادا بالمعاصي ولا ضاقت يجيك=لانه يعرف بأن رحمتك تسبق شدتك
ياعزيز الجار ماخاب من يدخل عليك=ألتجي بحماك وأرجي رضاك ورأفتك
وسلامت روسكم