[معلومات العضو الشكري]

المشاركة الأصلية كتبت بواسطة برق الجنوب

السلام عليكم ورحمة الله وبركاته :

أسعد الله مساءكم جميعاً بكل خير
.
.
.

من شعر البدايات :

إهداء للجميع بلا إستثناء....

وإهداء خاص لأخي العزيز :

(هديبان بن عبدالله الشكري) الذي أقتبس بعض أبيات القصيدة في توقيعه قبل أن

أتشرف بمعرفته وقبل أن يعرف أني صاحب تلك الأبيات المتواضعة........


.
.

المكان : بريطانيا...دورة دراسية مدتها ثلاثة أشهر .

الزمان : 1418--1998 م


.
.

فـي غربتـي مالقيـت أحـدن يلاحيـنـي=(وإنجلتـرا) بهـذلـت قلـبـي حواريـهـا
هــمٍ يـسـاري وهــمٍ عـــن ميامـيـنـي=تقبـل وتقفـي علـى كـبـدي وتشويـهـا
هـذا وأنـا غربتـي ماغـيـر شهريـنـي=وشلـون لـوهـي تـطـوّل بــي لياليـهـا
ياطايـره وإن نويتـي اللـيـل تسريـنـي=أخـذي رسالـه إلـى المجـمـول ودّيـهـا
ردّي سلامـي عـلـى بــدر المزاييـنـي=غروٍ من أجله إدموع العين مصخيهـا
أحسبتـنـا البـعـد مـــن داره يسلّـيـنـي=وأثـر المحبّـه تـزيـد بـبـعـد راعيـهـا
غــلاه يكـبـر ومــع الأيـــام ينهـيـنـي=حـبٍ وغربـه جمـيـعٍ وش يناحيـهـا؟!
لاجيت أغبّي يهيض الشـوق وإيبينـي=عيـب المـودّه تبيـن إبـوجـه مخفيـهـا
الله يـصـبّــر خـفـوقــي يامـظـانـيـنـي=إلـيـن أغــادر ثرى(لـنـدن) وأخلّيـهـا
يسقى ليا من وصلنا (مفرق الريني)=ترتـاح نـفـس المـولّـع مــن بلاويـهـا
أشوف ربعي ومن هـم لـي عزيزينـي=والعيـن تفـرح نهـار إتشـوف غاليهـا
نلفي علـى ديـرةٍ تسـوى نظـر عينـي=ياوجـد حالـي علـى شوفـة ضواحيهـا
وجــود منـهـو حبـيـسٍ فـالزنـازيـنـي=عشـريـن عــامٍ ولـحـدن زاوره فيـهـا
دار الـقـروم الشغـامـيـم السلاطـيـنـي=(آلاد شــكــرٍ) عـريـبــاتٍ مـجـانـيـهـا
(آلاد شـكـرٍ) هــم إكـعــام المعـاديـنـي=صــوارمٍ فـالـلـقـا تـــروي شلافـيـهـا
ذبّاحـة الحيـل يـوم إنّ الدهر شيـنـي=مهـوب يـوم العـرب فاضـت مخابيـهـا
يـفـرح بـهـم هـاشــلٍ ذاق الأمـرّيـنـي=والجـار يـامـن إبـقصرتـهـم ويغليـهـا
والفخـر والله بحسـن الخلْـق والدينـي=وألاّ المظاهـر مصيـر المـوت ملغيـهـا
يوم القيامـه عقـب نصـب الموازينـي=أنسـابـك إبتنقـطـع لـوكـنـت زاكـيـهـا
(أبوجهـل) فـي جهـنـم مـالـه إمعيـنـي=(وأبولهـب) تبّـت إيديـه ووقــع فيـهـا
(وبلال وصهيب) فالفردوس طربينـي=رافعـهـم الـديـن فــي عـالـي مبانيـهـا
تمّـت وأنــا طالـبـك يــاربّ (ثنتيـنـي)=تحسـن لـي الخاتمـه والجنـة أرجيـهـا

.

وسلامة الجميع,,

	وعليكم السلام ورحمة الله صح الله لسانك يابو فهد مدد مهب عدد الاخ العزيز / ابو فهد قابلك الله وهديتن مقبوله واتشرف فيها وافتخر بك وسعدت بها كثير قبل ان اتشرف بك وزادني شرف بعد ان تعرفت لشخصك الكريم وكانت من ابرك الساعات واعلم انك متواضع ولكن مافي القلب مانيب كانيه وانا اللي له الشرف ان يحمل في توقيعه تلك الابيات وهي من رجل كافي وراعي الوفا وهذا من حسن حظي واشكرك على القصيده وكما عودتنا بالجزلات والموقفات وقصيده لا تقتصر على الفخر والتمجيد بل فيها من الحكم والمواعظ وفيها التذكير وان الفخر في الدين وحسن الخلق وفعلا شاعر جزل يابو فهد ( شاعرنا ) بارك الله فيك وجعل من ارثك في جنات النعيم والله يوفقك وين ما لقيت وجهك تسلم ويسلم غاليك ومن يعز عليك وجعلنا ما نخلى منك وعسا عمرك طويل على عز وطاعه اخوك الصغير / هديبان بن عبد الله الشكره ( محبك ومغليك )