ياهيه ياللي ترفضين المعاريس = يابنت توبي مالغــوى والعنادا
ذي سنة الله زانها بالنواميس= من وقت آدم لين تطوى البلادا
يابنت لايخدعك شـــور الاباليس = ويروح جزل العود ذري الرمادا
يمكن تخيرتي طريق المتاعيس = اما كِــــــبر والا حلــــومٍ ابعادا
والا جرا لك مثل ليلى مع قيس = ابطــى جوابه مابدا له معادا
يابنت انا ناصح ولاني لك نحيس = يابنت يكيفـــك السهــر والسهــادا
لك وجهي اني ماستمع هرجة ابليس = ولا اتغـــــير لو جـــــوابك تمــــادا
انتي غلاتك في العلن والكواليس = في مسكن بقلبي تعلــــوى وزادا
مارخصك لين ارد على اللحد بالكيس = وحتى اشــــــوفك لابعثت الرقــــادا
ياتفســــحين بجنتك لي مجـــيليس = ولا جعلــــت بجنتــــي لك وســادا
هـــــذا وعد لو يزعلون المناحيس = ذي رحمــــة الله لا رفـــــق بالعبادا
.. = مسفر ابن عبدالله الدوسري