سود الليالي تعاقب وارحـى مستديـر=نعيش طول العمر بين الفرح والأسـى
نجري مع الوقت والميعاد يـوم كبيـر=والعمر يزحف بنا مابين عل وعسـى
ضحك التلاقي جنايه والموادع مصير=يمر حلم البدايه بيـن ضيـق وقسـى
لو شفت واقع حياة الناس شي مريـر=تسبح بموج المصايب والتحايل رسـى
عن صفق موج البحر يكفيك جمع غفير=تعيش في مركب الاحداث صبح ومسى
احدن يدور ورى ماصار خبزة شعيـر=واحدن يمتع حياته في صنوف الكسـى
يارب عطفك وجودك وانت حي بصير=تعلم خفايا البشر والعبد ضـل ونسـى