[معلومات العضو هادي آل حشفل]

بسم الله الرحمن الرحيم

أسمحولي بأن أقطف لكم ورود من بستان الشاعر /محمد بن محسن بن حشفل الدوسري وعسى أن تنال عجابكم وهي من قصائد العرضه وهي في مزاين الإبل والافتخار بالرجال الطيبين شرواكم الذين يهتمون بها ،،،

أسمحوا لي كلمه واجب منطوقها
واعذروني كان قولي حصل منه قصور
عاشوا اللي عزوا البل وعزوا سوقها
كنها في عام صباب ماجاها أدهور
عزها مع كل شمس يبين شروقها
قبل يخلق عمر الانسان لايوم النشور
دايم يكفيك عرف الرجال وذوقها
والمزاين قام به كل منعور غيور
دايم عزم النشاما ماهوب يعوقها
وأرفعوا قيمه ثمنها طويلين الشبور
المراجل كل شهم يعدي فوقها
لاجلها ماهوب يهتم من كل مخسور
المراجل كل شهم يعرف طروقها
جعل يفدا من رفع قدرها كل معثور
ريفها كل أبلج يعتني بحقوقها
مانساها كل شهم على الشده صبور
كل شهم من هل الطيب شوقه شوقها
دايم في شفها ماتسمع كل شور
كم رعت في سهلهً زايف زملووقها
كل مابكر الوسم ثم زان البشور
من مزون كل مانشت تلوح بروقها
جعلها تسقي مداهيلها طول الشهور