السلام عليكم
قصيده في محمد بن ناصر اليامي الله يرحمه ويسكنه الجنه
وعزالله انه مايروح الا الطيب فمحمد على صغر سنه متحلي بصفات تجعل الجميع يعزّه ويقدره
دعواتكم له بالرحمه والغفران
الله يرحم من فنى ياشعيّب=امن امس وآنا من صدى العلم مفجوع
ماغير اهوجس به ولانيب طيّب=والقلب كنّه من ورى الحدب مشلوع
مرحوم ياصبين توفى وغيّب=يالله عسى منزلْه فالخلد مرفوع
ويالله عسى قبره من المزن صيّب=يغسل ذنوبه ويتغشاه بزروع
شبلن من علوم المراجل قريّب=عقله فطين وبالوفا لين طبوع
من روس قومن فالوغا ماتخيّب=فالضيق عون وفالرخا طيب وسنوع
ياموت ليتك ماتقفي بطيّب=ليتك على الرديان تفنيهم جموع
الله يادنياً غثاها يشيّب=دورة رحاها تبعد اصحاب وربوع
عزّي لحال اللي بكاها يهيّب=تبكي فراقه مير ماتنفع دموع
تبكي يتيمن نادرن مايعيّب=صبين ليا منها ومرته لها طوع
ياشعيّب محمد عن الخلق غيّب=لكن ذكره بين الاضلاع مطبوع
با ابطي وانا مفجوع به ياشعيّب=لكن ذا دربن على الناس مشروع