[معلومات العضو سعد آل بريك]

صلو على النبي

	الا يالله جنبني الندامه= أذا حل القضى يوم القيامه لأني عبدك وراجي ثوابك= وعبدك مخلصنلك في صيامه وياربي أبيك أتسوق شعري= من أول نجد لين أقصى تهامه لأني شاعراً يقدح مزاجي= وقافي جزل واتعب لنسجامه وهايب رب ماخذته وراثه = من أنتاجي ويحملي علامه أبي شعراً يهز أمة محمد= ويصحح فكر من قبل أنهدامه وايضاً يبرز أخطا مجتمعنا= ويكشف ماوراء عتم الجهامه فلا فالشعر خير أن كان قصر= ويلحق شاعره بعض الملامه وانا لاضاق صدري من قضيه= بعثت القاف للطيب وسنامه أبي ياصل الربعي تاج راسي= خوال المجد لابله عمامه في وادي الخير واديي الدواسر= أرجال العز ((واصحاب الفخامه)) هل العادات عطران الشوارب= شهامتهم ماهيب أية شهامه أيبين زود شوقي للنشامي= ومضمونه سعد يرسل سلامه ويشكي من شباباً صار همه= أعلوم الدنفسه والا الرخامه أيصد أن قلتله أقلط تقهوى= ويبغض شوفتك جهل وغشامه أيقول أنته مهايط منت عصري= ياخي خل المهايط والئامه ويعزك حيل لامنك مدحته= اليامن قلتله وشذا الطخامه ايرص الجنز ويعلق قلاده= عليه بالحرام أنه هلامه ويسكك لحيته كنه فرنجي= وتنقد لاسمعته من كلامه يسوي كل مايطري فباله= ويبين للعرب قل أهتمامه سقط بالمدرسه ولاتخرج= ويتشرط على كيفه دوامه أبوسط امجمع الراشد أيدوج= وفي فؤاد سنتر ذا نظامه أيطارد كل بنتاً تعترضله= ويقول أرجوك فكيلي الثامه أتسب أبوه وتفل بوجهه= وهو مايحسب حساب الكرامه وصار اكبر اهمومه كيف أيفرغ= أشهوة النفس ويرد أنتقامه اليامن شاف متدين ضحكبه= يظن أنه معقد بالتزامه يحسب انه هو الصح وطريقه= طريق الحق والا الأستقامه مايدري بن طريقه ضايعنبه= طريقاً فاخره هم و ندامه وانا مانيب ضدن للتطور= تطور عصراً والا أنتظامه أنا ضد أنحلال الفكر لنه= ضياعاً للعقل والا أنعدامه ترى التقليد الأعمى للأجانب= في شرع الله يقودك للندامه لزوم أنا نراعي دين ربي= لأنه عزنا واصل الكرامه

.

.

.