[معلومات العضو راكان العجمي]

السلام عليكم ورحمة الله وبركاته

ماجـــــــورين يالربـــــــــــع ..

هاذي قصيدة كتبها شاب عجمي صار له حادث سيارة في وادي العجمان ووالدته كانت

معه .. الوالدة توفت (( الله يرحمها ))


و هو اصابته كانت خفيفة .. و هذي الأبيات قالها للي يواسونه ..يقول فيها :

يواسيني وانا الميت وحالـي يجبـر الدمعـات=تسيل من الذي فيني ويبكـي وهـو يواسينـي
وانا ابكي واتنهـد وارسـم بالحـزن لوحـات=يجبروني عشان امشي ورجلـي مـا تمشينـي
قتلت رعايتي بيدي قتلـت الحـب والرحمـات=حرمت النفس من حقها وانا ابكيهـا وتبكينـي
وكنه حلـم قدامـي يقيدنـي مـن الصرخـات=ابي اصحى ولكني عجزت القى الي يصحينـي
فداش القلب يايمه ومهمـا قلـت مـن كلمـات=صغيره في كبر حقش بـس اتمنـى تعذرينـي
نهبت الفرح من بيتي صحيح اني خسيس الذات=صحيح اني ولد طايش وكل ما أسمعـه فينـي
تجول عيونهم فينـي تفصـل منـي قياسـات=وتشيح وجوههم عنـي وكنـي غيـرت دينـي
يظنون حزنهم اكبر وهـم اصحـاب هالمأسـاة=وانا اتحدى اذا فيهم ربع مـا يحتـرق فينـي
نقص قدري بعد موتش وغابت نشـوة اللـذات=وصـار الهـم عكـازي اباكيـه ويباكيـنـي
عطيتيني بدون حساب ولا سمعتش تقولين هـات=وانا اشرب حيل من دمش ودمـش مـا يكفينـي
يايمه ارجعي كافي ابجلس معش لـو لحظـات=واقبل ايدش ورجلش وافرش لش رمـش عينـي
يايمه ما تحملهم يقولوا فـات مـا قـد مـات=تعالي غيري هالقول واطيعـش باقـي سنينـي
واترك عادة التدخين وانفذ مـا تبـي بسكـات=واصلي الفجر في المسجد قبل منتي تصحينـي
يايمه ارجعي تكفين وطفـي شمعـة الآهـات=ابيش انتي ولا غيـرش علـى موتـش تعزينـي
وضميني وداويني مثـل مـا كانـت الهقـوات=ما ابي احدن يواسيني ابيـش انتـي تواسينـي
دخيلش بس لا تبكين اذا شفتـي بـي الدمعـات=انـا مقـوى ابكـيـش اذا انـتـي تبكيـنـي

نسأل الله عز وجل ان يرأف في حال الشاب

وأن يرحم والدته ويسكنها فسيح جناته

تقبلوا تحياتي محبكم / راكان العجمي,,,