[معلومات العضو شافي بن راشد النتيفات]

قصيدة في المعتقل بامريكا خالد الدوسري اسال الله ان يفك اسره ويرده الى اهله سالما غانما

سعود ينخا وانا انخا والعرب توحي=صرخة ندا للعرب ولقائد الامة
لمبعد الهم والاحزان والشوحي =لك يامليك القلوب ورافع الهمة
انقل ندا من جداه الهم والنوحي =يصفق بكفه عسى الله يفرج لهمه
خالد ورا الباب لامر معزبه يوحي =يرفع بصوته وينخا ابوه قبل امه
والعلم واضح ولا احدا منه مسموحي=ياسيدي سيدي يامبعد الغمة
الله هو اللي يرد النفس والروحي=ثم انت ياسيدي والامر بتمه
والعلم وسط الفضا والصحف مطروحي=دربه صريح ونظيف ونيته قمه
سافر يبيله شهادة يبني صروحي=وماهان منهو نفذ للعلم من كمه
وحاطت به اعداه مكر وغدر ملموحي=اللي على كره دمه تبغي تشمه
مظلوم قلبه من الاحزان مجروحي=في كل يوم يشوف اعداه ملتمه
جلسة ورا جلسة ولاحكام ماتوحي=بالراحة وماعرفنا لدربهم يمة
يا امة الضاد كل خلفه يبوحي=لخالد الدوسري لاتبرد الهمه