[معلومات العضو محمد بن حمد الشكرة]

بسم الله الرحمن الرحيم السلام عليكم ورحمة الله وبركاته هذه القصيدة كتبتها بمناسبة عودة سيدي خادم الحرمين الشريفين الملك عبد الله بن عبد العزيز ال سعود -حفظه الله- لارض الوطن سالما معافا فأبا متعب يستحق منا الشي الكثير استبشري يادارنا لاعدمناس=عاد الملك لارض الوطن بالسلامة عاد المليك الي على الطيب نبراس=خادم بيوت الله رفيعن مقامه يامرحبا من قلب صادق وحساس=امن الشمال اليا سواحل تهامة ياخادم البيتين لاباس لاباس=لاباس ياراعي الوفاء والشهامة عبد الله الي شوفته ترفع الراس=شايل هموم الشعب عز وكرامة المملكة تلبس جواهر مع ألماس=واستقبلك شعبك في قصر اليمامة فعايلك ماهيب تحصى في قرطاس=تواضعك للناس تاج وعلامة شعبك تراهم غير عن ساير الناس=شعبك من الفرحة يزيد ابتسامه شعبك ياابو متعب ليا دقت اجراس=شعبك جنودك في نهار الزحامة سلاحنا في الحرب شلفا مع طاس=نقضي على الارهاب نمحي ظلامه والي يعادي الدار جعله للافلاس =عسى العدو مايهتني في منامه أنتم لنا ياسيدي درعن وساس= وحنا لكم الين يوم القيامة يحفظك رب الكون ياطيب الساس=ياسيدي يامعتلي كل هامة وصلاة ربي عد ماهب نسناس= على النبي واعداد وبل الغمامة وسلامتكم