[معلومات العضو هادي الخضراني]

هذه القصيده مرثيه في/ محسن بن حشفل الخضراني الدوسري الذي انتقل الى رحمة الله يوم الخميس الموافق 26/4/1432هـ تغمده الله بواسع رحمته

هذا والله اللي ما بقى للوناسة ذوق=اجامل وانا اللي خافي الحزن طاويني
سبب عبرة ٍ فالحلق تنزل وترقى فوق=تبي كان تضهر واخلفوها المعزيني
ايلين احتكم فالصدر منها لهيب الشوق=وجذبها الونين وساقها دمعة العيني
على ابوي كساب الثنا طيب المنطوق=نظيف السريره راعي العقل والديني
طري النبا راع الصخا العارف الصدوق=حميد السجايا اللي حوى اللطف واليني
الامين الحشيم اللي حفظ للرجال حقوق=اللي بالحكا ماناش عرض المقفيني
لاجا العلم منه عدوا المصدر الماثوق=مع لابته ولا مع الناس الاقصيني
وما شفت اشوف انه لوصف الكلام يفوق=على قدره اللي بينوه المحبيني
ياكم طيب ٍ جات المحبه تسوقه سوق=اواسيه في فقده قبل لا يواسيني
وذي سنة الخالق وذي سكة المخلوق=ومن لامشاها اليوم يمديه بعديني
الرابح هو اللي له مع الطيبين طروق=واليا قابل الله صار كل العمل زيني
طلبناك ياللي لك رفعنا يدينا فوق=تعظم ثوابه يوم عرض الموازيني

للشاعر محمد بن محسن بن حشفل