[معلومات العضو محمد مبارك ال شواي]

السلام عليكم ورحمة الله وبركاته

اخوااني منتدى قبيلة الدواسر كل تصفح نتي وانتم بخير

هذه القصيده من الشاعر العملاق استاذي وابن عمي سعد الودعاني

واتركم مع القصيده




المخطيه والمصيبه
ذا الليل كن الشاعريه طريبه==== تبي حضور اللي له سنين غايب
والشعر ذا الأيام الله حسيبه===== ماهوب متوكل والأعلام خايب
اللي يجمّل جعل ربه يثيبه===== واللي يفشّل مايعيّن رغايب
اللي ماعنده علم ويش إيحكي به====وتوريدة الجزله عليها طرايب
اللي يودي العلم لازم يجيبه=====والطيب مايبغا محسب حسايب
المخطيه ماهيب مثل المصيبه====والأحترام واجب ولابه حرايب
الصدق نعم القول والكذب خيبه====والناس تمدح من يفك النشايب
الشكر ميزة خلق والذم عيبه=====والقيض مايبغا وترجا السحايب
المجد له على الليالي طليبه===== والناس في سوق المصايب جلايب
الأيام علم المخزيات تغزي به ====والأقدار مستنقع ضفافه خرايب
الوقت مايسعد ولايهتني به===== أمصاجج اللجه كثير الطلايب
اللي يتقبل الهدا يهتدي به=====واللي يترايب فيه ماهوب صايب
واللي أسم الله لابدا يبتدي به===== يجي لوضعه عند ربه سبايب
واللي لياسمع المئذن يجيبه===== يلقا الثوايب والدروب الرحايب
واللي مانفسيته بربعه رحيبه==== جعله ليا قفا مراح الهبايب
واللي حريبه فاالليالي قريبه===== يقعدبها بعدين لاصار شايب
واللي على جيبه مايجرا صحيبه====ماهوب أخو شما كريم الصلايب
واللي شيبانه مايشوفون طيبه====لاطاب عند الناس ماهوب طايب
واللي ورا أخوانه يجي له حسيبه=== يلقا التعايب وأتهجره القرايب
واللي ذريبه مايشوفه نسيبه===== على الأقل لايشوف منه الغلايب
واللي قصيره ماتذوق شريبه=====على الأقل لايشوف منه النشايب
واللي كسيبه ماعدابه في طيبه==== إيخسر مجتمعه ويشوف التعايب
واللي في طيبه ماتبيّن شبيبه====لا للصحايب ولاكفو الحبايب
واللي مايعصب للملازم عصيبه===في لازمه مايعصبن العصايب
واللي مايجب فاالمواجب نديبه====في واجبه مايجبن الندايب
واللي إيلا غاب الخوي ماينيبه==== لاغاب مايلقا من الربع نايب
والرابح اللي لاتردا نصيبه===== عنده أخوانٍٍ ينطحون المصايب
اللي يجيبه المقدر يجيبه====== كلش ولاغبنت صدور النسايب
مافي نغاميش المشاكيل ريبه=====والمرجله ماهيب تاتي غصايب
كلن شبيبه من مناحي سبيبه =====والطيب فطره والخصايل وهايب
يقضب مجيد الطبع ملزم نجيبه====وتحكي ورا ضهور الرجال الزلايب
لافا المعايا غير كثر الطليبه=====ولا ورا الشكات غيرالعقايب
واللي ليامن غاب مايندري به====ماودك إلا أنه على طول غايب
الجهل ضيّق والمعارف رحيبه====والعليا شهرا والمسافل غبايب
العرف عقب الدين ماجوب طيبه===والواجب أن كلن يحل الوجايب
الموجب موجب تركته فيها عيبه==== لاتعتبر نفسك لاسويته طايب
والواجب أن قدر العرب تختفي به===ولايجي لك في سنعهم كذايب
وأنهم مامنك ينضرون الغليبه=====ومعاملتهم باالخصال الذرايب
وواجب خويك واجبه ماتسيبه=====ولاتشاكك فيه ولاترايب
وجهك معه فااللازمات أتعدي به=== أن كان ماجيبك يسد النوايب
ويومك ليامن ضاق ماتهتني به====شاركه في ضيقه وحل الكرايب
أقرب ما اقوله عنه شاركه غيبه====وقم في لوازيمه وخاطرك طايب
أمدحه وكل أنسان لاتستغيبه=====وخلك شبابي في مفاهيم شايب
المرجله سهله لكنها صعيبه=====والنفس فيها من الليالي شوايب
فيها مافيها والمقاسم ذهيبه=====ماراح من الأيام ماهوب آيب
والناس قصتهم عجيبه غريبه====لهم ولامنهم وفيهم عجايب
الموت الضاهر أنه أكبر مصيبه====وكلن لناحيته يسوق الركايب
اللي مايقفا الناس ياطيب طيبه====وأخس خصله اللعن والسبايب
كلن شبيهه في حياته صحيبه====غير القرايب يلزمون الصحايب
المجتمع صارم والدنيا كئيبه====غير الخساير ماعليها كسايب
واللي ماسبّل لحيته في مشيبه==== يوصف على ماقيل شايب وعايب
العمر يبغا عنفوان الشبيبه===== أتكونه والقبر يبغاله تايب
والنعم يبغا واحدن يعتني به===== ويقوم به والعلم يبغاله جايب
الفزه نص الطيب والصمت هيبه==== والعزه مطلبها أهم الطلايب
وحده مفاهيم الرجال العريبه ===== طلبات عز ٍ من جزيل الوهايب


والعذر اذا يوجد اخطاء املائيه