علقت مطلوبـي وامالـي ورجـواي=باحسان من بيديـه فضـل الهدايـه
اراجع اللي فات واحسـب اخطـاي=واخذ من الماضي فصـول الروايـه
اعرف نجوم الليـل ماتـاه مسـراي=اعشق فضا قـاعٍ الحافـه سمايـه
الرجل ياخذ من هـل المعرفـة راي=لاصـار مايغنيـه فكـره ورايــه
والغايب المعلوم فـي موعـده جـاي=لازم على الرحلة يجينـي اسرايـه
واصير حلم بين نظـرات وغضـاي=فـي واقـع يكتـب عليـه النهايـه
عن ماردٍ ماجـاه رجلـي ومطـاي=حـرام ماينـزل بجالـه ارشـايـه
من معرفة بعض العرب بقطع ارشاي=وسوق رجلي مـن خـلاي بخلايـه
برد العدود اللي بها راهـي المـاي=بها علـى نهـل الضوامـي رهايـه
العزمطلوبـي ونهجـي ومـبـداي=روم العلا من صغر سنـي اهوايـه
مارخص العشـره ولا امـد يمنـاي=وان جات بالرجال تحسـب جنايـه
صابتني الدنيا وانا في اول اصبـاي=ياكبرهـا لاجـات عـثـرة بـدايـه
لاوالله الا نـاقـل داي بـرداي=ماكنت اعـرف ان التناسـي وقايـه
والقا علاجي عند من يعـرف ادواي=لوكان بعـده هـو سبايـب عنايـه
ذبلت عروق الـدم داخـل حنايـاي=وبيدين مـن حبيـت بسلـم شفايـه
من سبته عجز الحكي ياصل اشفـاي=وتغيـرت حتـى حـروف القرايـه
ياما على داره تنحت بـي اخطـاي=وعند الرجوع اتلـد عينـي ورايـه
تعبت مداويـري وحفيـت مطايـاي=وان قيـل تايـه قلـت مانـي بتايـه
ماريد ابين بـوح همـي وشكـواي=وخاف جور الوقـت يلحـق مدايـه
وش سجلت ليام في درب ماطاي=اكبرخطا ممشا علـى غيـر غايـه