ماني من اللي يرتدي ثوب الانذال=ولاني بهين النفس من شان حاجه
اعز نفسي وارتكي حمل الاثقال=مثل البحر لاهاج بالحمـل راجـه
ولاصارت الدعوه تمازيح جهـال=ماأشعلت نوري في مداجي عجاجه
للجـد جـد وللهزل دايـم هـزال=وذل المـوارد ماشربنـا هماجـه
نقدح صليب الراي من زند الابطال=ونبدي حسين الفعل من غير لاجه
ونكرم سمي الجود لو حده الجال=وندمح له الزله ونجنـي نتاجـه
احد بفعله عـن ثمانيـن رجـال=واحد بفعله مايباعد نعاجه
وخلاصة الهرجه على ذيك الاقوال=مازاد عن حده يسمـى سماجـه
ماقل دل وزبـدة القـول الامثـال=الحر مايخشـى فـروخ الزراجـه