الـعـزوم امزون والفـكـره سحاب
في ربوع احساسنا مثل الفصول
جسًها بالعـزم واظروف احتساب
من بـوادر فـالـحـيـاه الهـا مـثـول
والـعـوارف كالمـراجـع فالحساب
ماخـلا من قـاد نـفـسـه للـعـقول
يستـشـيـر ويـستخـيـر ولايـهـاب
ويطلب المولى بتسهـيـل وقـبول
والـشقـاوه تهـدر اعـزوم الشباب
والضياع ايزيد في احساس مـول
كـم حـزين ن وامتـمـيرض باكتآب
وكـم كريـم ن صيره حاله كسول
احبـط احـلام الاهـل والحلم غاب
والـحـيـاه الـكـنـز صاحـبهـا ذبـول
بالقلوب احساس شقوه واغتراب
من خلو المـعـرفه صارت طـبـول
والحـيـاه الـدين في كل الصعـاب
بـلسم وسـرًالحـيـاه الـلي يطول
فـيـه تهـذيـب وتعـالـيـم اكـتساب
تـكـسـب الانسان عـزًه ما تـحول
ومن خوى خاواه هـمـًه والـعذاب
اشهـد ان اللي مـخـاويـها بـطـول
ناسي ان الـدـن دسـتـور وكـتـاب
والـلـه الخـالق بـعـث فينا رسـول
منه نعرف وش خـطـانا والـصـواب
والـحـيـاه الـمـشكله تـلقى حلول
من هداه الـلـه يـسـعـى لـلـثـواب
وايـتـفـكـًر في تصاريـف الـجـهـول
كـيـف يـعـرف راسمـالـه والخطاب
وايـتـمـلـًق با لـمـعــارف والـدلـول
وان نصحـتـه عن دواريق الـكـذاب
عـلل الافـعـال باظـروف ن تـصـول
مثلهـم في مـجـتـمـعـنـا سمً داب
يـنـقـلـه جاهل وسمـم بـه خـبـول
والـصـداقـه مـنـهـجـيـه واجـتـذاب
تـجــمــع الاشـبـاه مع شلـًة فلول
ان سهـيـنا عـن مجـامـيـع الخـراب
ضاع راس المال في درب السـيول