[معلومات العضو راكان ال بريك]

اكتب وانا ما اضمن وصول المكاتيب=صحيح من قال المحبه بلاوي
وامرض مثل غيري من الناس واطيب= واصارع الدنيا وحيدٍ خلاوي
رجاى فاللي يعلم السر والغيب =يا الله ياربي عليك الشكاوي
لاجيت اسلي خاطري با الهناديب= القلب صوب اللي يحبه نحاوي
اللي علشانه بذلت التسابيب=عنق المهاه اللي ترب المطاوي
عين اشقر النادر حرار المعازيب= لا فرعوبه في حماد الصداوي
تقول شيخٍ من شيوخ المخاضيب= اهل الرباع مزبنين الجلاوي
ياوجد حالي وجد شالح على ذيب=وياونتي ونت بخيت العطاوي
عليك ياسيد البني الرعابيب=تاخذني الغيره من ادنا دناوي
الجنب الايسر فيه شلفا تراحيب =والجنب الايمن فيه شلفا الفراوي
ولا صار فيه عيون سوء مراقيب =انا ورى ظنك وفوق الهقاوي
معاد لي بحبال حبك مقاضيب= انقصت احبال الرجا والعراوي
وتوقفت بين القلوب المناديب=واقبل سواد اليل والهم ضاوي
لو كان رحتي لي ببعض المطاليب=مع السلامه يا عيون النداوي

حمود عبيد ال بريك