اسعد خبر وصل ذاتي طلعت المركز = تليقبه ياولد مترك وبك لاقي
كم واحداً منه محتر وهو منحز = عرقى على قلبه وزود به احراقي
والراس مرفوع والبيضا لكم تركز = من ماضي الوقت حتى وقتنا الباقي
والرمح من فوق كبد المعتدي يغرز = ونقول خله يموت وبلف طقاقي
غيرك كثير يطالب ماقدر يفرز = مانال مايمتنيه وصابه اخناقي
ولا انت نومستنا نلت الفخر والعز = انشهد انك على الطالات سباقي
انت ابلج في سنام المجد متمركز = كالحر مايسكن الا راس شوهاقي
دايم بكل المواقف تظهر وتبرز = منتب تخفى جعل دربك به اوفاقي
للشاعر : سلطان بن فهيد العجالين ..